Ke Bana Ba Kgoši Ba Mashienyane Wa Nakedi Wa Setsha Sa Mamokwele Wa Setsha Se Ritela Kobo, Ge Ditau Dišoga Kobo Eya Butšwa, Ke Ba Mmadiale O Otile, Kgoši Ka Go Ota Owela Bathong, O Wetše Baga Mogolo, O Tloga O Wetše Mangoka Dirotha.Ke Motho Wa Gabo Theetša Morwa Tshwaane A Maleka Tlailane. Ke Setlatlanka Sa Motho Setlaela E Kaba Kgomo Reka Se Rekiša Ra Se Bapatša Go Bafiti Ba Tsela, Setlae...
↓ Read full praise
Ke Bana Ba Kgoši Ba Mashienyane Wa Nakedi Wa Setsha Sa Mamokwele Wa Setsha Se Ritela Kobo, Ge Ditau Dišoga Kobo Eya Butšwa, Ke Ba Mmadiale O Otile, Kgoši Ka Go Ota Owela Bathong, O Wetše Baga Mogolo, O Tloga O Wetše Mangoka Dirotha.Ke Motho Wa Gabo Theetša Morwa Tshwaane A Maleka Tlailane. Ke Setlatlanka Sa Motho Setlaela E Kaba Kgomo Reka Se Rekiša Ra Se Bapatša Go Bafiti Ba Tsela, Setlaela Ra Reka Ka Sona Masaka Ra Tloga Re Reka Mabele Go Batho Ba Di Koloi. Ke Tau Yeo E Boago Seoko Seokodibeng Sa Meriti Mebedi, Meraro Meng Ya Maloba .E Bowa Ga Gešu Gantšokotšane A Lebelo La Phukubje Ya Go Befa Dinama, Ka Mošate Bare Tlalo La Yona Ga Le Befe, Re Bana Ba Dihlabana Tsa Bo Mokgano A Mmangwakwana A Sebitša. Ke šaba La Bo Sefudi Le Mmamang, Wa Ga Marota. Sefudi Ke Ngwato, Ke O Motelele O Tloga Ele O Motelele Wa Go Feta Ditšhaba,Ngwato O Feta Segwaba Sa Makgopo, O Feta Segwaba Ka Go Ja Le Ka Go Bereka. O Feta Le Kgaribišane E Bohlale Sebatana Se Maseme, Ke Ngwanabo Mokgohlwe Le Mmapule. A Ga Se Yena Patlama Wa Dinko? Gwanaabo Kaate, A Rego Nna Ga Ke Patlame Kgomo Ke Patlama Motho ?Ke Mmapulane Wa Mogono Wa Ntletlerwana A Leselo. Ke Motho Wa Gabo Maekaeke Ka Selepe Ke Yo Rema, Ke Remile Kutu Tsa Mehlare, Keremile Kutu Tsa Medibu Le Tsa Megokare. Saabe Sa Rema Le Megaba Thabeng, Selepe Sa Ngwato Se Rema Mokgapa Se Tloga Se Rema Monoko Godimo , Selepe O Reme Ka Go Shiela O Se Tlo Rema Le Mehwelere Tshipi. Ngwato O Tlo Rema Le Kotana Tsa Mešišidi. Ke Rena Bana Ba Kgoši Ba Soladi O Mošwaana Lekgopo, Wa Leswielo Lehloba Naga, Ba Rego Naga E Pala Ka Bogolo. Ke Rrago Dipheta Tsaga Soladi , Ke Thaka Tšhorompshe Wa Ntšipana Wa Mogoma Tshweu Ya Ditsebe Morwa Dishegong Ke Tau Eo E Tšwago Moshola Ga Masemola A Mahlako A Ma Hlakeng A Maso A Mašweu Ka Dikala. Gona Kua Ga Thaka, Kua Ga Mmamonabele. Thaka Ga Ke Mele Maswikeng Ke Tšhaba Baditi Ba Mahlanyaneng, Go Na Kua Ga Ba Bina Tau Makgema Ba Hlabile Kgomo Bošego,Ba Ja Ba Kuna Maboa, Ba Kuna Swana A Segolo, Ba Kunne Swana A Bo Mmamokgapi Sekgwari Ba Kunne Tate, Ba Tloge Ba Kunne Mokgokolo Mothiša Leeto, Ke Kgokološane Ya Boloko Bja Dipudi, Ka Boa Ka Tshela Dinyaraga O Tshetše Tša Mmago Mmapoleke , Ba Motseba Ka Moka Ba Ga Masemola Bare Ke Khulong Ya Mmamatšekele , Gana Kua Ga Maswielele A Marago A Basadi , Ga Se Pheu Sa Tau Morwa Masemola, Ga Kgoši Tseke Wa Bapela Mmamoake, Ke Tseke Ke Moloti Wa Ditšhuana Ke Kgomo E Tshweu Morwa Masemola A Mokwena. Go Bane E Tla Tswala Pholo Ga Se Ya Ntšhita. E Tloga E Ntšhitše Ditlhako Ya Ba Ya Di Bušetsa. Ke Motho Wa Ga Bo Mmazwi O Botse Rrago Phaahla. Diatla Di Phaswa. Atla Tše Tshiweu Nke Go Tša Lesea, Mmazwi Ka Botse O Phala Magoši. O Phala Bo Sekwati Le Bo Thulare Ophala Le Tseke Morwa Masemola A Mokwena A Ba A Phala Le Kgoši E Ntšho Nkego Mohlanka, Ke Sepeke Mmamagane Ke Mokgalagadi A Mokwena Ke Tau E Kgolo Morwa Phaswane ‘A Mashwene Mmazwi Mohlang O La A Eya Bogweng Ka Moletlane O Ile A Hwetša Matebejana Maswana., O Tloga A Fetile Makubu Ka Motlapodi. A Re Naa Le A Ntseba?, Ba Gare Go Tsebe, Ka Re Ke Nna Morwa Nape O Moso Makgopong, Ke Kgaetšedi Ya Mmamokiritle Mahlako Ke Kgopapa Ya Go Tswalwa Ke Segotšane. O Tswetšwe Ke Mokgekolo Wa Tsebe Ya Legoswi. O Tloge Ana Le Tlhokofele Mothameng Ke Kgatšedi Ya Maputle Ka Kgwadi Ya Bo Segotšane Ye A Re Go Nna Ga Ke Mpara Ke Legomotša Ke Tloga Ke Le Mogatša Basadi Ba Makgoweng. Ke Kgwedi Ga Ke Thope Mpara, Ke Thopa Ya Thamaga Ya Mereto. Gona Kua Ga Matima Tšatši Ya Kwapa La Boroka Ga Ntsho Ka Hlaba Dithamaga Ge E Le Dikuwadi Ke Tshaba Mebala Ke Tloge Ke Tshaba Wa Godimo A Bo Pula. Gona Ka Kua BoKgaga. Ga Mphahlele A Dileša Tsa Mašobana Ga Kgoši Phatudi A Mangana. Ga Moroka Wa Metši Wa Bo Legobole. Ga Moloto Wa Mmatšhidi. Ke Kgoši Ya Diphetu Ya Ka Makaung Gammamosebo Ke Kgomo Ya Bo Selebanye Ke Mogoto Wa Wa Bo Nthotho Ke Kgabo Mmasetoname, Kgeke Tonamela Borwa, Ka Borwa Ba Kgalegile. Borwa Ga Go Ne Sebodu , Kamoka Ba A Lema. Dikgekolo Dihlwa Dire Re Tsofaletše Eng? Ba Re Kgeke Di Ngwatha Senkgwa Ba Tloge Ba Ngwatha Ka Marangwana A Bona. Makgopho Ka Moka Theetšang Re Timeditše Tshoane, Re Tloge Re Timeditse Mokgalabje Mmeka Ngwetši.,Pelo Ya Beta Mokgekolo Ya Tloga E Beta Mmago Mmaapeya Ka Ngwaritsana Lethamaga. Ya Fo Beta Le Mmago Mpšane Wa Madisane Kgantha Ditloo, Bare Masane Wa Setlaela Morwa Mmaeboneng. Ke Tshese Ya Bo Sorola Mare. Ke Dilepe Le Melamo. Dihlabana A Re Molateng Re Mo Kweletse Kua Makotopong Kgauswi Le Turfloop. Gana Ka Kua Botokwa Ga Ga Mmatšhaka Maimela, Ga Pudi Ko Tswala Mosegare Ga Putsana Ka Llela Go Fula. Gana Ka Kua Ga Letswalo La Mmatau. Ga Pudi Ya Fata Boroko, Ya Fata Ge Ele Boroko Bja Pudi Botswa Tlhakong. Ke Tšhaba Phaswa A Manaila Ke Re Thipa Eja O Ba Gomele, Batho Ga Se Diphoofolo
↑ Show less
Sotho
👁 0 views
Contributed by Mpusheng Tlailane
Join Wakahina to comment and connect with your clan.
Sign in to comment · Create an account