Tau wee! Re batho ba sebola sa mpja moshupi. Morita moreba dikala. Re nametse Rita re lla,ra fologa re tsega setsego. Ra re bo Ramapuputla re be re re botlabo bo fedile,kganthe bo sa le gona. Re bana ba Kgosi se rofsa ka lenaka,batseta ba tlo rofsa ka eng. Re ba bo Lekaba lekatakata ntweng,wa setiya mokutu.Sehla ya tlala fase,leetse la kgorumetsa sefahlego. Basadi ba letsa mekgolokwane,banna ba tswarelela ditedu.Ba re o re kwela kae Monna Ramapuputla. Ka gore re be re ja re lla re furaletse merogo ye metala re sheba ka letswai selo sa o baba. Tau wee!