Luvuno, Nongombili ukube yinye ngabe ifuze ekhaya konina.
Zulu
👁 0 views
Contributed by babongile Nhlapo
NHLAPO SGEGEDE WENA OWABULALA UDADEWENU UTHI UNOMHLEHLO KANTI UMHLEHLO WAKHE IBHABHAKAZI,MAGAZI NONGOMBILI, MBONAMBI.....
Swati
👁 0 views
Contributed by MBADALA EDWIN NHLAPO
Nhlapo .... S'gegede .... Nongombhili! Ingabayinye, weza nonima! Mabulal' umuntu am'hleke, athi, "Ngibulel' okukhahlambana". Ndaba .... Dub' elimthende Nkwali zenkosi ezona ngokwendela kubafokazana UMathunzi-made okwensim' yelala! UMagotshw' egotshiwe kwabakwaMlambo! Wena kaMavundla ...! Mbhonani ...! UMwelase ngokuwela iMpofana noThukela! Mwelase ongaweli ngezibuko .... owawela ngezihlengela zomf...
↓ Read full praise
Nhlapo .... S'gegede .... Nongombhili! Ingabayinye, weza nonima! Mabulal' umuntu am'hleke, athi, "Ngibulel' okukhahlambana". Ndaba .... Dub' elimthende Nkwali zenkosi ezona ngokwendela kubafokazana UMathunzi-made okwensim' yelala! UMagotshw' egotshiwe kwabakwaMlambo! Wena kaMavundla ...! Mbhonani ...! UMwelase ngokuwela iMpofana noThukela! Mwelase ongaweli ngezibuko .... owawela ngezihlengela zomfula UMadl' umkadadewabo, athi, "Akanamhlehlo! Onomhlehlo nguBhabhakazi!" UMsongansimbi ayibek' ebunzi khon' amagwala azombalekela. KwaNhlapo umgoqo kawusavalwa, sekuvalwa ngamakhanda amadoda. Mlambo! Nina bakwaMveli!
↑ Show less
Swati
👁 0 views
Contributed by Johannes Oliphant Nhlapo
E Mbonane, E Mwelase, E Sigegede, E Nongombili Izigegede zakwa –Mathole Ezadla umka-dadewabo Zathi kananyongo kanamhlehlo, Umhlehlo ngu-Bhabhakazi.”Mabekwa ngegazi”.ungumanxeba aludwendwe njengomthimba ezingaweli ngezibuko eziwela ngesihlengele somfula”Wena Mlambo-a-Mavundla Mveli ka Mavundla noMdlasomo UMfutshane ungubo-zinyathelwayo Ingane nezabade ziyanyathelwa Kwabo-Mveli akuvalwa ngomvalo Kuv...
↓ Read full praise
E Mbonane, E Mwelase, E Sigegede, E Nongombili Izigegede zakwa –Mathole Ezadla umka-dadewabo Zathi kananyongo kanamhlehlo, Umhlehlo ngu-Bhabhakazi.”Mabekwa ngegazi”.ungumanxeba aludwendwe njengomthimba ezingaweli ngezibuko eziwela ngesihlengele somfula”Wena Mlambo-a-Mavundla Mveli ka Mavundla noMdlasomo UMfutshane ungubo-zinyathelwayo Ingane nezabade ziyanyathelwa Kwabo-Mveli akuvalwa ngomvalo Kuvalwa ngamakhand’amadoda. Wena wakwa-Nonhlanhla; Isiboshwa ngamagoda siwadabule; Isihlahla sika-Mdlasomo Babasigawula siwaqand’amazembe Waya wazidla eDlomadlomo KaNdlovukayisitheli. Zaya zabuya naMagunya NeziNtethe naManqoba Anqoba iZinyathi zikaMswazi. Esinye sezithakazelo zakwa Nhlapo from the book UNhlapo Nezakhe
↑ Show less
Swati
👁 0 views
Contributed by Amos Nhlapo
2 Phezu Kwethuna lika-Mama. Naku lapha ngimi khona Naku lapha ngikhalayo Naku lapha elele khona U-Phahlakazi okaMdingi U-Mdingi oka-Khabangobe, U-Khabangobe oka-Maphanga. Nxa ngiphezu kwethuna …. Ngiphezu kwethuna lakho, Ngikhumbula eyadlulayo Eyakeyabakhon’imihla, Nxa wabangumthi wethu, Nxa wawusihlangu sethu. Sokuphela nje, ntombi ka-Mdingi na? Buphele nya ubuso bakhe na? Lithule nya ...
↓ Read full praise
2 Phezu Kwethuna lika-Mama. Naku lapha ngimi khona Naku lapha ngikhalayo Naku lapha elele khona U-Phahlakazi okaMdingi U-Mdingi oka-Khabangobe, U-Khabangobe oka-Maphanga. Nxa ngiphezu kwethuna …. Ngiphezu kwethuna lakho, Ngikhumbula eyadlulayo Eyakeyabakhon’imihla, Nxa wabangumthi wethu, Nxa wawusihlangu sethu. Sokuphela nje, ntombi ka-Mdingi na? Buphele nya ubuso bakhe na? Lithule nya izwi lakho na? Thina abakholwayo sithi: Hhai Sobuye sibonane kwelizayo Singasoze sibuye sehlukane. Lala phahlakazi lala. U-bakhulisil’abant’abakho, Athi amaBhunu Ozoyigwabula uyakuyizuz’indaba. Wafika umtaka Ndaba wayigwabula, AmaBhunu awethwala umlomo. Bantu gijimani ngazo zonk’izindlela, Niyotshela abantu, Ukuthi uMagadlela AnoMakhunga Nyathikazi-a-Mlambo, Ukuthi umtaka Ndaba Useyekele insangu notshwala, Sowuqaphele ukubusa nokumangala Ngokukhalela intandane Zikayise ezasalenkambeni. UMadabulimpi kabili Wayinika iDzigwane Wayinika iSibothwane Kwabuya imikhonto Kwabuya izibhamu; Asazi izophela nini. UZulu laduma emahlathini eGoda, Laduma lawuphambanisa umbani, Lamwalaza uSinandi Lamyekelela ukwaliwa nokuvundana Khula mtaka NaCindi Uyindlandlama uyisiminya Uyinkanyezi ethwasel’eMpumalanga. Wena mpondo zamil’ekatini Noma zazimile enkomeni Kwakuya kuzwakala. Wena ngqwabi zihamba amahonyahonyana. Wena nkomo zabala umbala wonkana, Ngoba zabala ubunkonekazi Zabala ubuwasakazi Zabala ubuhlophekazi Zabala ubumpevukazi Zabala ubunzimakazi.
↑ Show less
Swati
👁 0 views
Contributed by Amos Nhlapo
E Mbonane, E Mwelase, E Sigegede, E Nongombili Izigegede zakwa –Mathole Ezadla umka-dadewabo Zathi kananyongo kanamhlehlo, Umhlehlo ngu-Bhabhakazi. ”Mabekwa ngegazi”. ungumanxeba aludwendwe njengomthimba ezingaweli ngezibuko eziwela ngesihlengele somfula” Izibongo ezingo-Mpisikazi. Nxa ngibheka uNtabande, Nxa ngibheka nay’uM...
↓ Read full praise
E Mbonane, E Mwelase, E Sigegede, E Nongombili Izigegede zakwa –Mathole Ezadla umka-dadewabo Zathi kananyongo kanamhlehlo, Umhlehlo ngu-Bhabhakazi. ”Mabekwa ngegazi”. ungumanxeba aludwendwe njengomthimba ezingaweli ngezibuko eziwela ngesihlengele somfula” Izibongo ezingo-Mpisikazi. Nxa ngibheka uNtabande, Nxa ngibheka nay’uMbhango Nxa ngibhek’eMadlangeni Nxa ngibhek’amaw’amhlophe, Nxa ngibheka nay’imihhoma Amehl’ami abangamachibi. Umpisikazi lo engimi kuye Umpisikazi lo ongicingisayo, Umpisikazi lo ongililisayo Uphumile kwezethu izandla; Uphumele kwezasemzini, Basabalele abangabakhe. Umpisikazi isidleke sezinyoni Izinyoni zika-Mbonane noMwelase; Izinyoni ziyabuyela esidlekeni Zibuyele sezikuphethe okumnandi, Zika-Mbonane ziyanqatshelwa Zika-Mwelase zigcwele umhlaba. Sasimunye kwa Mpisikazi, Sasazana kwaMpisikazi, Sasiphuthana kwa Mpisikazi Sasisizana kwaMpisikazi Sasiyinyanda kwaMpisikazi Sasiyinkatha kwaMpisikazi Mayibuye imihhoma yethu Mawabuye amaw’amhlophe Mababuye oNtabande noMbhango. Lidliwe elenu elihle, U-Zion wena akasenakubuyelwa U-Mecca wenu mncameni nimdele. Asho njalo amagwala, Asho njalo amavaka, Asho njalo amabuka. Masimkhaleleni u-Zion wethu, Masibemunye sazane, Masiwange amakhosi ethu Masibambane ngezandla Sakh’indonga zikamoya. UMpisikazi ongumoya.
↑ Show less
Swati
👁 0 views
Contributed by Amos Nhlapo
All this are from the book uNhlapo Nezakhe.
Zulu
👁 0 views
Contributed by Amos Nhlapo
Which Nhlapo are you?
Nobody has recorded the branches of this family yet. A surname is
shared across borders and languages — it's the clan that carries the
region and the lineage. Mntimandze. Mabhengeta. Cele.
If you know yours, you would be the first to put it on record.
Name your clan →
Partial is fine. Someone else can add the rest.
Join Wakahina to comment and connect with your clan.
Sign in to comment · Create an account