"Agee Kgomo Agee nare Šohla mohlakola Namane ya Kgomo ya Nare Ke phoofolo ya marobalo maima..." (...yo a se tsebago a ka se tlaleletša ka kgopelo. Chabedi Mphela)
Zulu
👁 0 views
Contributed by Chabedi Mphela
Ke Mphela a'Rasegwete, Nare kgoduma lerolo ngwana mmaNareng a kgomo. Ke kgomo ya naga ka dinaka tsa go petleka, Nare ya gona kua mogalakwena. Ke Nare ya lenaka la mokhure le hlabilego mosebudi, Lase hlabe la hlosa, Lenaka la boya ka madi le moshwang. DiNare weeeee, Nkile wa se bona kae sefolotsa sa Nare mara? Ga Nare ga gona sefolotsa, Sefolotsa sa Nare ke yona Nare. Ke wa makgalato a ngwato ke ts...
↓ Read full praise
Ke Mphela a'Rasegwete, Nare kgoduma lerolo ngwana mmaNareng a kgomo. Ke kgomo ya naga ka dinaka tsa go petleka, Nare ya gona kua mogalakwena. Ke Nare ya lenaka la mokhure le hlabilego mosebudi, Lase hlabe la hlosa, Lenaka la boya ka madi le moshwang. DiNare weeeee, Nkile wa se bona kae sefolotsa sa Nare mara? Ga Nare ga gona sefolotsa, Sefolotsa sa Nare ke yona Nare. Ke wa makgalato a ngwato ke tsotshoma mokgotheng; Ke wa ga Phiri ya matshaba e rwele goya ka mahlong go thata, Phiri ya maakola sebata, Bare ga e akole eya tseya, E tseya makhura a kgomo tsa gabo yona. Makhura a kgomo tsa naga tsa borwa; Borwa weeee Agee Borwa bo letse bosa lala, Mahulahula matlakala bana ba mmamojela. Bitsa borwa o lobile; Ke balaulau borwa bja mmakgabutla a malope; Ke borwa bja ntingwane. Ngwana wa borwa o bofefo, O dirwa ke go ja ting, O dirwa ke go ja ting ya dikgai. Ngwana wa borwa ga a tsewe, Ore go kwa borwa bo duma are bageso ba mpitsa. Ke wa ga sekhikhidi serite kgolo, Sethibeletsa matlakala phefo ya borwa leya bopedi ese tsene ko mokgalong. Mokgalo weee Ke motho wa ko ga-Mphela mokgalong; Motho wa ko mokgalong wa ritela; Motho wa mokgalo owa kgakga. Mokgalo ke ana dikala, Ga ele dikutu di ana ke beng. AGEEEE MONARENG AGEEEE
↑ Show less
Sotho
👁 0 views
Contributed by Monareng Mphela
Which Mphela are you?
Nobody has recorded the branches of this family yet. A surname is
shared across borders and languages — it's the clan that carries the
region and the lineage. Mntimandze. Mabhengeta. Cele.
If you know yours, you would be the first to put it on record.
Name your clan →
Partial is fine. Someone else can add the rest.
Join Wakahina to comment and connect with your clan.
Sign in to comment · Create an account