Ke Ditau Ke Bakgaditse  Ke Basetla mmu wa sebilo Aagggeee!!! Lena ba go roga Bakgaditse mmu wa sebilo le tlo o khumana kae ka gore ke pheko ya bana ba lena? Ke Bakganya mmele Ke bo- mampudi ya TAU manyathela, Ke sehlahla phokeng ,phiri tshaba morwa wa mogale moloi ga a boniwe ka mahlo Ke sephothokana moroko wa go sita lefo ke batho ba go tswa Taung ga Moletsane, ke bo Machaba le Moraba ba siya leruo morago Go tupa ga se lerole ,go tupa dipheko tsa bakgaditse ,go tupa mmu wa sebilo Aaaggee!!! batau Aaaggee!! Bakgaditse!!!!!!