mina ndigumushangana kodwa ngifuni kwazi ukuthi usibiya no sibuyi zihlangana kanjhani bakethu....ngiyabonga bakithi...ngifunde kakhulu kini bakithi

Ngiphendula umfoka Qwabe (Thaniya). Yimi owaloba ukuthi indlu yakwaSibiya yikhohlwa lakwaGumede. Lokhu ngikucikise kakhulu ekutheni noma uNdaba wayededumela elikhulu esadla nhlavana kodwa inkosana kaMalandela ngu Qwabe. Uthe mangibona uthi u Ndaba uzalwa uQwabe, ngasengibuza ikhonde elidala lasendlini yase Niyona laphaya eNgulubeni, eNgotshe. Ngiphinde ngabuza nakwelinye futhi ikhonde lekhehla lakwaSibiya endlini yase Mpenduka laphaya eLouwsburg. Zombili lezinjinga zivumelene nawe ukuthi uNdaba uzalwa uQwabe. uMalandela uMkhulu wakhe. Cha, ngiyayivuma induku Mpangazitha, iqinisile. into ke angikwazi ukushintsha leliphutha langibhale khona. Okunye futhi abakuqinisekisile ukuthi yayingekho inkosi yakwaSibiya ngezikhathi zo Shaka. uNgobe wayeyinhloko yakwaSibiya kodwa enganamhlaba. uze wathola umhlaba waseNgotshe/Mkhuze kulandela ukushiya kulendawo kwabantu bemuka noZwangendaba. Ngiyabonga Qwabe ngokungiqondisa izigwegwe

Ngiphendula umfoka Qwabe (Thaniya). Yimi owaloba ukuthi indlu yakwaSibiya yikhohlwa lakwaGumede. Lokhu ngikucikise kakhulu ekutheni noma uNdaba wayededumela elikhulu esadla nhlavana kodwa inkosana kaMalandela ngu Qwabe. Uthe mangibona uthi u Ndaba uzalwa uQwabe, ngasengibuza ikhonde elidala lasendlini yase Niyona laphaya eNgulubeni, eNgotshe. Ngiphinde ngabuza nakwelinye futhi ikhonde lekhehla lakwaSibiya endlini yase Mpenduka laphaya eLouwsburg. Zombili lezinjinga zivumelene nawe ukuthi uNdaba uzalwa uQwabe. uMalandela uMkhulu wakhe. Cha, ngiyayivuma induku Mpangazitha, iqinisile. into ke angikwazi ukushintsha leliphutha langibhale khona. Okunye futhi abakuqinisekisile ukuthi yayingekho inkosi yakwaSibiya ngezikhathi zo Shaka. uNgobe wayeyinhloko yakwaSibiya kodwa enganamhlaba. uze wathola umhlaba waseNgotshe/Mkhuze kulandela ukushiya kulendawo kwabantu bemuka noZwangendaba. Ngiyabonga Qwabe ngokungiqondisa izigwegwe

Ngicela ukulungisa iphutha elincane nje. Siyakhana mziwakwethu. Kukhona othe, indlu wakwaSibiya indlu yaseKhohlwa kwaGumede. Cha, indlu yakwaSibiya indlu enkulu kwaGumede. Okwesibili akukaze kube khona inkosi yakwaSibiya. Phela kwaSibiya akusona isizwe, yindlu. Iqiniso ukuthi kuBaNguni naBaNtungwa, uGumede yiyo indlu enkulu. Kepha ke bese kuba khona izindlu ezihlukile kwaGumede. uGumede qobo lwakhe wakha umuzi waseShobeni (izibongo zakhona ngoKhoza (Mahlase), Sibisi, Msibi, Ziqubu etc). Inkosana yakhe ingonyama uYeyeye. uYeyeye umuzi wakhe yiseMazimeleni (izibongo zakhona ngo Mzimela, Phakathi, Mcoyi, Mnguni,). inkosana kaYeyeye uMnguni. uMnguni inkosana yakhe uLuzumana, yena umuzi wakhe uSibiya ngenkomo. Inkosana yakwaSibiya ngenkomo ingonyama uMalandela. umnawe kaMalandela kwaSibiya ngenkomo nguMyende (ozala abantu bakwaKhomo). inkosana kaMalandela ingonyama uQwabe. uMnawe kaQwabe kwaSibiya ngenkomo uZingelwayo. uMuzi kaQwabe iNgoye (indawo isibizwa ngomuzi wakhe). uQwabe uzale uNdaba kwaSibiya ngenkomo eBabanango. Kwathi oNgoye wazala uSidinane. inzalo kaQwabe yasoNgoye izibiza ngesibongo uQwabe, kuthi inzalo yakhe yakwaSibiya ngenkomo izibize ngoSibiya. uQwabe ulandelwe nguNdaba esihlalweni sobukhosi, uNdaba yena walandelwa uGazu, yena walandelwa uNtusi (Mdladla). Wonke lamakhosi, amakhosi kaNguni endlini yakwaSibiya. uNtusi oketulwe ngabakaQwabe basoNgoye. Emuva kokungena kwabakaQwabe, bengena ngoSimamane waseMabhedwini kanye nendodana yakhe uKhuzwayo (inkosana kaSimamane uLufutha, kanti ikhohlwa uMakhanya), akuzange kube khona inkosi yabenguni endlini yakwaSibiya, futhi akuzange kube khona inkosi yakwaSibiya. inkosana kaNtusi uMqeku yena wabaleka waya emfolozi, emahlabathini. izwe liphathwe ngabakwaQwabe basoNgoye baze bakhishwa uShaka kaSenzangakhona, mhla ebulala uPhakathwayo kaKhondlo waseMthandeni. Lokhu kusho ukuthi kwaNguni indlu enkulu ngeyakwaSibiya kodwa ubukhosi bagcina busezandleni zakwaQwabe. abakwaQwabe bakhishwa ngabanewabo bakwaZulu. Yebo phe...

angiphonse itshe esivivaneni bogumede! kwasibiya, izindlu ngezindlu zinezithakazelo zazo. mina ngithi azihlukaniswe kanje:- gazu sibiya ngenkomo. gumede kandaba. mathula. mgxebe kayotho (indlu kamgxebe kayotho, indlu yase qadi eyazinduna kwaqwabe eshowe) sotobe sotobe, mphangalala, nobiya. sibiya ngenkomo abafokazana bebiya ngamahlahla. ndaba. gazu kazembethe, mdladla. gumede (ngabendlu yasekhohlwa kumdladla kagazu) duze ndaba. maseyama. sibiya ngenkomo. (baphuma kwenye yamadodana kandaba) khathi mbende, nandisa, sotobe. sibiya ngenkomo. phakathwayo (baphuma kwenye yamadodana kandaba) khomo phambuka, zamisa. sibiya ngenkomo. malandela kaluzumana (abasilo isende likandaba (uzembethe) noma uzingelwayo. engathi baphuma kuphambuka, enye yamadodana kamalandela ayizala endlini yakwasibiya ngenkomo) zamisa khomo, phambuka. sibiya ngenkomo. gumede ndaba gumede. sibiya. mnguni, gazu (bancane kakhulu bakwasibiya abasebenzisa lesibongo) abase ndlini enkulu ndaba komkhulu. gumede kandaba. gazu. qwabe kamalandela. sibiya ngenkomo bafokazana bebiya ngamahlahla. mqeku kamdladla. ungobe esemngeni (laba bayisende likazembethe, undaba. bayikhanda likagazu. basuswa ushaka emahlabathi baya engotshe. indlu yasemngeni izala indlu yasesibhoshini neyasentumbane. ubukhosi sebuphethwe yintumbane (kwakhiphunyawo)) amakhosi namagama ezindlu 1. ndaba (uzembethe): emvuleni ebabanango, lapho imithombo yomhlathuze iqala khona. indlunkulu ukamyeza 2. gazu (elinye usibiya): umuzi yishowe (indawo yaseshowe iqanjwe ngomuzi wakhe). ugazu ungcwatshwe iduze kwehlathi idlinza, khona eshowe. undlunkulu, ukadube. 3. mdladla (untusi): umuzi umkhumbane eceleni komfula umhlathuze enhla kwaseshowe. undlunkulu ukandebele. 4. mqeku (umkhananda): kwahhiya emfolozi emhlophe. undlunkulu ukambatha. 5. mhenqwa (uno...

ngicele umzukulu wami ukuthi angibhalele. Ngithi angiphonse itshe esivivaneni boGumede! KwaSibiya, izindlu ngezindlu zinesithakazelo zazo. Mina ngithi azihlukaniswe kanje:- GAZU Sibiya ngenkomo. Gumede kaNdaba. Mathula. Mgxebe kaYotho. Ndaba (laba bagcwele eShowe. Babenganyelwe indlu kaMgxebe kaYotho, indlu yase qadi eyayizinduna zakwaQwabe eShowe). SOTOBE Sotobe, Mphangalala. Nobiya. Sibiya ngeNkomo abafokazana bebiya ngamahlahla. Gazu kaZembethe. Mdladla. Ndaba (ngabendlu yasekhohlwa kuMdladla kaGazu, batholakala eShowe). DUZE Ndaba. Maseyama.Sibiya ngeNkomo (baphuma kwenye yamadodana kaNdaba). KHATHI Mbende, Nandisa, Sotobe. Sibiya ngeNkomo. Phakathwayo (Khathi ngumna kaGazu. bazalwa nguNdaba kaMalandela) KHOMO Phambuka, Zamisa, Sibiya ngeNkomo. Malandela. Gumede (engathi baphuma kuPhambuka, indodana kaMalandela ayizala endlini yakwaSibiya) ZAMISA Khomo, phambuka, Sibiya ngeNkomo (baphuma kwaKhomo) NDABA Gumede, Mnguni, Gazu, Sibiya (bancane abakwaSibiya abasebenzisa lesibongo). ABASE NDLINI ENKULU Ndaba KoMkhulu. Gumede kaNdaba. Gazu. Qwabe kaMalandela. Mqeku kaMdladla. uNgobe eseMngeni (laba bayisende likaZembethe, uNdaba. Bayikhanda lilaGazu. Basuswa nguShaka eMahlabathini banikwa izwe laseNgotshe, lapho athi efika eNgotshana inkosi uNgobe wathi uyangena, kwaphuma igama laseMngeni. uMngeni uzala indlu yasesiBhoshini neyaseNtumbane. iNtumbane izala umuzi wakwaKhiphunyawo naseNiyona, ePhongolo. AMAKHOSI NAMAGAMA EZINDLU 1. Ndaba (uZembethe): umuzi yiseMvuleni eBabanango, lapho imithombo yoMhlathuze iqala khona. uNdlunkulu uKaMyeza 2. Gazu (elinye uSibiya): umuzi iShowe (indawo yaseShowe yethiwe ngomuzi wakhe). uGazu ungcwatshwe eduze kwehlathi iDlinza, khona eShowe. uNdlunkulu uKaDube 3. Mdladla (elinye uNtusi): umuzi uMkhumbane eceleni komfula uMhlathuze enhla kwaseShowe. uNdlunkulu ukaNdebele 4. Mqeju (uMkhananda): KwaHhiya eMfolozi eMhlophe, undlunkulu ukaMbatha. 5. Mhenqwa (uNoluju): umuzi yiNkwambase eMah...