Ke nare kgoduma lerole. Motho wa Mmonwa o bogale ka gae, a tswela ka ntle a mela moetse.  A mela se semelang ke kgokong.  Ke thuthufatsa sediba, lentle la bo mmatlala. Nare e hlabile mosebudi, ga e ya hlaba e hlokeditse naka la boya le madi.  Ke kgomo, ga se kgomo ya gae.  Ke kgomo ya leshoka.  Ke Mmonwa wa ga madibogo a dipholo. Ke kwatala ke a hlaba. Ke tshipi ya mantsi ka ohle. Wa ntebelela ke a hlaba, wa mphuralela ke ya hlaba. Ke motho wa ga Rantshoma a Marumo. Ke motho wa ga bo lenong le a kua kua – lare le le borwa la bona tsa gae. Ke motho wa ga mosesane wa ga ramphashane. Ke motho wa sa gagwe se ke morabeng sa tswela ntle se a rekwa. Ke motho wa  ga bo Mmaroba wa  bo dikote, segang mabele dihlogo lehlaka le sale le tekuma.Ke motho wa ga bo mpamonyane mokwatedi, pheta e swana ya bogoko- malokelelwa leselong badiya ba ellela. Ke motho wa ga bo Malemang ke phuma,  lemang e sa le ka bosego e re mosegare le boye.  Ke motho wa ga bo mabesi a namana- nama ya pitsa e ya diega. Rena rehlaga Nokeng ye kgolo ya Tubatse.               Nare wee !!!!!