Mokwena waModimosana... Kwena ya Madiba... Lekobokobo le le kwaMolokwane...   Modimosa wa nonyana e tswa lebese ese kgomo. Gareng ga molokwane le Pilwe,kwa Thabaneng e ntse gote ke direpotsane a monamaledi mokokoto wa bo Thebe le Lekgatlhe. Dumela Maselwane,Maselwane ke lekobokobo le le kwa molokwane le ntse lere kobokobo thapedi,thapedi a mmusi a motlhanka,bare tswelang kwantle le bone kgaswane a tlola a ba tila,a ba phophotha semokolodi thamana,ke mosimanyana yo mosesanya yo o rileng ga tshela noka ya Tlhabane. Mefenyane ya dilepe ya wa, ba re ya utlwa ke banna bale kgakala mefenyane,banna bale ko borwa ko phatheng ya manamana le Kgosi Mokgatlhe morwa Thethe le ene a utlwa a le kwa thabeng ya Tshufi,a re tshabang koo matebele ke ao a etla,ba kwena ba tshaba ba tshabela borwa,ba itlha ba itolokela ka legaga ba itolokela ka legaga la lepalong, lelesela kwena ya Madiba Mokwena!!