Ba ka Difokene. Banakone. Ke nna Sebupamabu la bo Kekena. Ke re ke a bopa le a falala, Magwe Makgośi a ja ka lona Ke boya nakome sewa masebe Sewa le phakana tsa Marumo. Ke nna kgashane la Paane Marumo makgoboga mmele Magalefa a le thekeng Maseke mabasa kgośi ya matanyeetsa a maotong. Ke nna phuti sela malobane Mosegare e hlwa e etsetse Matolobeloni moriting wa mmaba Mohlware wa MmaMalesa More wa tala ga ke ore O orwa ke ba ga Maloseng Ba ba lwesago nna Bakgopolwe ga le na dilobo Ke lobile naka la pula Ka tsea naka la tlou ka latesta Ke nna phuti gomela go nwa mokgonong Dingwe di hwile mokganong Mohlware o mogolo Bapa le dikgora tsa bo makikele Pudibudi ba robile Ba robile ketapele Ba robile kgwatla ya pele...