Tsebe kgauswi Makofane Ke batho ba Leshabane la Matebele, la mapheke a gabele. Batho ba ratala hudu le molimi, basibilo'a nyawane. Batho ba bowago sebekwa, thabanakutswa. Ba motlepa molewa ka thipa semena, Yo a sa jego motlepa oa duma. Ke batho ba meno menoga mabele. Ba bina kgoga ya letsha, ga ba bine phala, ba bina phalana. Ba bina setšwa madibeng, sedula mohlaka motala marega le selemo. Batho ba makgolokgolo'a marumo, ga ba ile madi ba tsarampele, ba a purankela. Go tsarampela ke go tšhaba marumo. Bakgoga ba matepe ba tletše. Ka matsogo a mabedi, ba thopa le mafisha ba lomeletša. Ba gešhu kutswe ga se kgole, re hloka baišhi. Ageeee, dikgoga tša mohlakamotala!!