Maffa 'a molla phateng 'a Mašilo! Bulela di y'o fula thabeng, Ka fase re tšhaba manangana, Re tšhaba dingena mešifa.   Ke batho ba ga Sekgopyana, Selala tšhidi 'a marumo, Batho babo Mphate Mologadi, Ba ga tswetši seboya mosegare o- mogolo, Ya tla ya amuša mabotlana.   Batho ba ba tšwago Sekgotlo, Thaba ya Sebote, Thaba yaba Maffa le Mmamarumo 'a Nakeng, Ke batho babo Sekgopyana 'a tšidi 'a marumo, Ba Mmatshehla 'a Malebana, moeng o etetše mang?   Mmatshehla fofela godimo! Ba re go go bona ba tšhabe, Kudu go tšhabe Mokanami, Mokanami 'a hlogo sedibeng.   Le ge re se se ra betha ditšhwene, Nkgolo 'kobo tša rena re thopile, Re batho ba boyago Bolobedu bja Mapulana 'a Mogale.   Boloba thakga Boloba kgomo le motho Balobedu ba lle moano ntlong Siba, Kiba Kolobe, ya hloka dimpsa e aya..