Zweli Wa Eddie  Wa Mdunwazi Wa Khamanyani Wa Goxani Wa Mbhoko Wa Mchelwani Wa Mbhalati Wa Malangi Xitlhangu xa mgwena swipitsipitsi swa Ku pindza vusiku Va ta sala Va swi vona hi kandza-kanya. Hi Va marindza hlanga wa hulela, Hi tintlhari to pfuka hi vurhonga hi ya rindza nhlanga Hi Va hulela wa ka mincindzu ti wa ncaka Hi Va huleri Va makhutla hi tingoti ta mincindzu HI VA KA MHUNTI YA MONA Hi Va dyi Va tinxojowa Hi Va ka swandla swa Ku vava hi Ku hulela nxoxo I mbulela makhutla NGWENYA YA MATI Hi vaka xisaka xa mipfi Hi Va ka xivandza xa le matini Swa-swa nyenyani,hi rindza nhlanga Nyenyana u nga ndzi nyeli nyela ndzhuti wa wena Hi swihlahla swa mindlheve swi nga tshamiwi hi tinyenyani Hi vaka vuriyani byo famba swin’we byi lava Ku lwelana Hi Va ka kwekwe rahantana Hi Va ka malanga-langa maba henhla Hi Va ka nguvu ya ripindze Hi vaka tinguvu ta rincindzi leti waka mahlweni na le ndzhaku Hi switlhangu swa VAGWENA,Va nhompfu ya rhika hi Ku chava xinambi Ku tlhava I n’wa kohla Ku tlanga Ku tovana NA van’wancengere I n’wakhwita nhlakala a nga ri na mbanga, Hi Va ka swimangaswo fihla min’wala swi chava Ku tovana I MHUNTI YA MONA I hulela-mbhulela makhutla Hi vutinyungubyisi bya MANDLHOPHE, NTLHURI, MANYAWURI NA MPAPELE Hi swihluki swa MAKHUBELE(MGWENA) Hi Va ZICHELE, ZICHELE za VAGWENA