ndinguRhadebe, uMthimkhulu, uBhungane, uNdlebentle zombini, uMafuz'afulele, uliyasa liyasibekela njengelifu lemvula, ugemane kazulu, ukhwebane okhweba abantu bezihambela athi yizani kuyatyiwa ngapha, uNzipho ezimnyama ngokuqhwayana, iHlubi elihle, Ingele-ngele, izawu-zawu, ishubela lisavela Inzala kaGoso ithe zava kulamhlaba waMahlubi, eMbo, kuQumbu kwilali yaseMdeni phantsi kukaNkos'uManzezulu yena ohlala kwilali yakuNonyikila.  OoGoso ke bathe banwenwa okwanda oku bade babonakala nakwilali ezininzana eziquka iNgcothi, uMthozela, iKhalankomo, iSulenkama kunye naseNtsilithwa.  Konke oku kukwanda kwesibeleko sentombi yakwaNdlovu, uMasiyothula owayesuka kwelaseQhanqu kwapha kuQumbu.